Florante at Laura ni Francisco Baltazar

    "SA MADILIM NA GUBAT" 1 Sa isang madilím gúbat na mapanglaw dawag na matinik, ay waláng pagitan, halos naghihirap ang kay Pebong silang dumalaw sa loob na lubhang masukal.   2 Malalaking kahoy ang inihahandóg pawang dalamhati, kahapisa’t lungkot huni pa ng ibon, ay nakalulunos sa lalong matimpi’t nagsasayáng loob.   3 Tanáng mga baging, na namimilipit sa sangá ng kahoy, ay balót ng tinik may bulo ang bunga’t nagbibigay sákit sa kangino pa máng sumagi’t málapit.   4 Ang mga bulaklak ng nag tayong kahoy pinakapamuting nag-ungós sa dahon pawang kulay luksa, at nakiki ayon sa nakaliliyong masangsang na amoy.   5 Karamiha’y Ciprés at Higerang kutád, na ang lilim niyaón ay nakasisindák ito’y walang bunga’t daho’y malalapad, na nakadidilím sa loob ng gubat.   6 Ang mga hayop pang dito’y gumagalâ Karamiha’y Sierpe’t Baselisco’y madla, Hiena’t Tigreng ganid na nagsisisila, ng búhay ng tao’t daigíng kapwa.   7 Ito’y gúbat manding sa pinto’y malap...

  "SA BABASA NITO" 1 Salamat sa iyo, ó nánasang írog, kung halagahán mo itóng aking pagod, ang tulâ ma’y bukál nang bait na kapós, pakikinabanagan ng ibig tumarók.   2 Kung sa bigláng tingi’y bubót at masakláp Palibhasa’y hilaw at mura ang balát ngunit kung namnamín ang sa lamáng lasáp masasarapán din ang babasang pantás.   3 Di ko hinihinging pakamahalín mo, tawana’t dustaín ang abáng tulâ ko gawin ang ibigi’t alpa’y na sa iyó ay huwag mo lamang baguhin ang verso   4 Kung sa pagbasa mo’y may tulang malabo bago mo hatulang katkatin at liko pasuriin muna ang luwasa’t hulo at makikilalang malinaw at wastô.   5 Ang may tandang  letra  alin mang talata dimo mawatasa’t malalim na wika ang mata’y itingin sa dakong ibaba boong kahuluga’y mapag uunawa.   6 Hanggan dito ako o nánasang pantás, sa kay Sigesmundo’y huwag ding mátulad sa gayóng katamis wikang masasaráp ay sa kababago nang tula’y uma...

  "KAY SELYA" 1 Kung pagsaulan kong basahin sa isip ang nakaraang araw ng pag-ibig, may mahahagilap kayang natititik liban na kay Selyang namugad sa dibdib 2 Yaong Selyang laging pinanganganiban baka makalimot sa pag-iibigan; ang ikinalubog niyaring kapalaran sa lubhang malalim na karalitaan.   3  Makaligtaan ko kayang di basahin nagdaáng panahón ng suyuan namin? Kaniyang pagsintáng ginugol sa akin at pinuhunan kong pagod at hilahil?   4  Lumipas ang araw na lubhang matamis at waláng nátira kundi ang pag-ibig , tapat na pagsuyong lalagi sa dibdib hanggang sa libingan bangkay ko’y maidlip.   5  Ngayong namamanglaw sa pangungulila ang ginagawa kong pag-aliw sa dusa nagdaang panaho’y inaala-ala, sa iyong larawa’y ninitang ginhawa.   6  Sa larawang guhit ng sa sintang  pinsel kusang inilimbag sa puso’t panimdim, nag-íisang sanláng naiwan sa akin at di mananakaw magpahangang libing .   7  Ang kaluluwa ko’y kusang dumadalaw sa lan...